مشروعك خدماتي؟ قيس العميل مو النقرة

إذا كان مشروعك عيادة أو مكتب أو أي خدمة ما تنباع أونلاين مباشرة، فأغلب الأرقام اللي تشوفها في لوحة الإعلانات ما تعني لك شي. النقرات والظهور حلوة، لكن ما تدفع الرواتب.
الرقم اللي يهمك: تكلفة العميل المحتمل
كم دفعت عشان شخص واحد يتواصل معك فعلاً؟ رسالة واتساب، اتصال، أو نموذج مكتمل. هذا الرقم هو اللي تقارن فيه الحملات ببعض.
وبعده: كم عميل منهم صار عميل فعلي؟
حملة تجيب طلبات رخيصة لكن ما أحد منهم يحجز، أسوأ من حملة أغلى تجيب ناس جادين. تابع مع فريقك وش صار في كل طلب.
العرض قبل الاستهداف
في الخدمات، الناس تشتري ثقة. وضّح وش يميزك، وحط دليل: نتايج، آراء عملاء، أو شهادات. وخلي خطوة التواصل سهلة وواضحة.
لا تحكم بسرعة
دورة القرار في الخدمات أطول من المتاجر. أعطِ الحملة وقت كافي قبل ما توقفها.
ودّك نشتغل على مشروعك؟ ←